A Cámara do sangue é unha antoloxía de relatos, dez contos tradicionais, que a xornalista inglesa Angela Carter reescribiu en chave feminista desde o seu estilo persoal, baseado en “descompoñer, desbotar as pezas sobrantes e recompoñer cun espírito crítico, sarcástico e feminista a tradición que xa tiñamos asumida”.

Cunha linguaxe transgresora e indómita en A cámara do sangue, Angela Carter reescribe os contos que Perrault, os irmáns Grimm e Disney lograran asentar como un dos alicerces da cultura infantil e da sociedade en xeral. Unha cultura que ensinaba as cativas que debían ser submisas ou a sufrir un destino fatal se desobedecían.

Unha tradución de María Reimóndez  con prólogo de Emma Pedreira.